બે દાયકામાં ત્રણ આતંકી મહિલાઓએ ગુજરાતને તોડવાની કોશિશ કરી હતી

લશ્કર-એ-તોઈબાથી લઈને અલ કાયદા સુધીનાં આતંકી સંગઠતોમાં હવે મહિલાઓનો પગપેસારો

- 

૯૦ના દાયકાથી અમદાવાદમાં આતંકના અનેક ચહેરા સામે આવ્યા છે, પરંતુ છેલ્લા બે દાયકામાં આતંકી સંગઠનો સાથે દેશની યુવતીઓ જોડાઈ હોવાના ચોંકાવનારા ત્રણ કિસ્સા પ્રકાશમાં આવતાં એજન્સીઓ એલર્ટ થઈ ગઈ છે. લશ્કર-એ-તોઈબાથી લઈને અલ કાયદાનાં આતંકી સંગઠનોમાં દેશની યુવતીઓએ પગપેસારો કર્યો હતો, જેનો જડબાતોડ જવાબ ગુજરાતની જાંબાઝ એજન્સીએ આપી દીધો છે. વર્ષ ૨૦૦૪માં લશ્કર-એ-તોઈબાની આતંકી ઈશરત જહાંનું ક્રાઇમ બ્રાંચે કોતરપુર પાસે એન્કાઉન્ટર કર્યું હતું, જ્યારે થોડા સમય પહેલાં આતંકવાદી સંગઠન ઈસ્લામિક સ્ટેટ ઓફ ખોરાસાન પ્રોવિન્સ સાથે જોડાયેલી સુમેરા મલિકની ધરપકડ થઇ હતી, જ્યારે હવે અલ કાયદાની આતંકી શમા પરવીન ગુજરાત એટીએસના હાથે ઝડપાઈ છે.