మెట్రో రెండో దశ నిధుల కోసం ప్రయత్నాలు

• జూన్ 23 వరకూ ఢిల్లీలో సీఎం రేవంత్ • ప్రాజెక్టు త్వరిత అనుమతుల కోసం ప్రయత్నం • రైల్వే మంత్రి అశ్విని వైష్ణవి ని కలిసే అవకాశం • పలువురు కేంద్ర మంత్రులతో భేటీ అయ్యే చాన్స్!

- 

తెలంగాణ ముఖ్యమంత్రి రేవంత్ రెడ్డి ఢిల్లీలో ఉన్నారు. జూన్ 23 వరకూ అక్కడే పర్యటిస్తారు. ఈ టూర్లో హైదరాబాద్ మెట్రో రైలు ఫేజ్-2 విస్తరణ, ఫేజ్-1 టేకోవర్, ఇడియన్ రైల్వే ఫైనాన్స్ కార్పొరేషన్ లోన్ విడుదల వంటి కీలక అంశాలపై చర్చలు జరపనున్నారు. కేంద్ర బొగ్గు, గనుల శాఖ మంత్రి కిషన్ రెడ్డికి, రేవంత్ రెడ్డి జూన్ 20న లేఖ రాసి, రైల్వే మంత్రి అశ్విని వైష్ణవ్తో సమావేశం ఏర్పాటు చేయాలని కోరారు. ఇది జూన్ 16న రాసిన మొదటి లేఖకు అనుసంధానంగా ఉంది. హైదరాబాద్ మెట్రో ఫేజ్-2 ప్రాజెక్ట్ 122.9 కిలోమీటర్ల పొడవుతో 7 కారిడార్లను కలిగి ఉంటుంది. దీని అంచనా వ్యయం రూ.38,595 కోట్లు. తెలంగాణ ప్రభుత్వం ఈ ప్రాజెక్టును కేంద్రంతో 50:50 భాగస్వామ్యంలో చేపట్టాలని ఆశిస్తోంది. కేంద్రం సహకరించకపోతే 'నో అబ్జెక్షన్ సర్టిఫికేట్' ద్వారా తామే 100 శాతం ఈక్విటీతో పూర్తి చేస్తామని సీఎం రేవంత్ రెడ్డి స్పష్టం చేశారు