పులి సంచారంతో ప్రజల భయాందోళన

శ్రీరాంపూర్ ఏరియాజైపూర్ మండలం పరిసరాల్లో పులి సంచారం నాలుగో రోజుకూ కొనసాగుతుండడంతో బొగ్గు గని కార్మికులు, సమీప గ్రామాల ప్రజలు తీవ్ర ఆందోళనలో ఉన్నారు.

- 

మంచిర్యాలరూరల్ డిసెంబర్ 12 (ప్రజాజ్యోతి) : శ్రీరాంపూర్ ఏరియాజైపూర్ మండలం పరిసరాల్లో పులి సంచారం నాలుగో రోజుకూ కొనసాగుతుండడంతో బొగ్గు గని కార్మికులు, సమీప గ్రామాల ప్రజలు తీవ్ర ఆందోళనలో ఉన్నారు. గనుల వెనుక వైపు ఉన్న కొండ-అడవి ప్రాంతంలలో రెండు పులులు సంచరిస్తున్నట్లు అటవీ శాఖ ధృవీకరించడం భయం మరింత పెంచింది. గురువారం రాత్రి ఆర్కే-8 గని సమీపంలోని శ్మశానవాటిక వద్ద పులి ప్రత్యక్షం కావడం, ఆ వైపు వెళ్తున్న రమేష్ చరవాణి లో తీయడంతో వీడియో సామాజిక మాధ్యమాల్లో వైరల్ కావడం ప్రజల్లో కలవరాన్ని రేపింది.డిప్యూటీ ఫారెస్టు రేంజ్ అధికారి అజహర్ ఆధ్వర్యంలో ఫారెస్ట్ టీమ్ పులుల పాదముద్రలను గుర్తించి ట్రాకింగ్ ప్రారంభించినా..ప్రజలకు రక్షణ నిచ్చే స్పష్టమైన చర్యలపై ప్రశ్నలు వెల్లువెత్తుతున్నాయి.గతంలో ఇటువంటి సంఘటనలు జరిగినప్పటికి, ఈసారి గనుల ప్రాంతం దగ్గర పులి సంచారం తీవ్రమైందన్న అభిప్రాయం స్థానికులది.