Hardloop word deel van sy genesing

In die afgelope dekade is Armand Steyn se uithouvermoë, geloof en veerkragtigheid tot die uiterste beproef.

- Maretha Swanepoel

Op 15-jarige ouderdom het hy sy ma aan breinkanker verloor, terwyl sy pa, die prokureur Stefan Steyn, reeds blind is. Die verlies het hom in 'n stryd teen kliniese depressie laat beland. "Aanvanklik het ek probeer om alles self te hanteer. Ek het stilgehou oor hoe swaar dit werklik gaan. Maar later het ek besef ek moet die moed hê om hulp te vra," vertel hy. Ná sy diagnose

Om te sien hoe my pa met geloof en deursettingsvermoë uitdagings aanpak, het iets in my wakker gemaak.

het hy met terapie begin, waarin fisieke aktiwiteit soos stap, hardloop en fietsry aanbeveel is. Dit het hom uiteindelik gelei na gereelde oefening en die begin van sy genesingsreis.