Barbarians verseker hulself plek in top 8

'n Barbarians/Blanco-kragmeting het nog altyd vuurwerke opgelewer, en verlede Saterdag was daar op D'Almeidapark geen tekort daarvan nie.

- Charles Theunissen

Toe die eindfluitjie blaas het die telbord 14 - 14 gelees. Groot was die teleurstelling op die gesigte van beide spanne se ondersteuners. Babaas het twee ligapunte uit die wedstryd gekry en staan nou op 30 - hul plek in die top agt is verseker. Hulle sal egter 'n haas uit 'n hoed moet pluk indien hulle ook vir 'n plek in die halfeindronde wil speel.

Beide Babaas en Blanco het Saterdag vanuit die staanspoor probeer hardloop met die bal, maar hul aanvalle was in die kiem gesmoor weens goeie verdediging. In die vaste fasette, veral in die skrums, het Blanco goeie teenstand teen die swaarder agttal van die tuisspan gebied.