આજે નેધરલેન્ડ્સ સામે દ. આફ્રિકા મજબૂત દાવેદાર

ધરમશાલામાં સાઉથ આફ્રિકા પાસેથી રનના વરસાદની અપેક્ષા, બપોરે 2.00થી પ્રારંભ

- 

વર્તમાન ક્રિકેટ વર્લ્ડ કપમાં અત્યાર સુધીમાં બેટિંગમાં જે ટીમે સૌથી વધારે સાતત્ય દાખવ્યું હોય અને લગભગ તમામ મેચ આસાનીથી જીતી હોય તો તે સાઉથ આફ્રિકન ટીમ છે અને મંગળવારે તેનો મુકાબલો પ્રમાણમાં નબળી એવી નેધરલેન્ડ્સની ટીમ સામે થનારો છે. અહીંના એચપીસીએ સ્ટેડિયમ ખાતે મંગળવારે સાઉથ આફ્રિકા અને નેધરલેન્ડ્સ વચ્ચે 2023ના વર્લ્ડ કપની મેચ રમાશે જેનો બપોરે 2.00 કલાકે પ્રારંભ થશે.

સાઉથ આફ્રિકાએ અત્યાર સુધી અત્યંત આકર્ષક ક્રિકેટ દાખવ્યું છે અને તમામ હરીફ સામે રનના ઢગલા ખડકીને વર્ચસ્વ જમાવેલું છે. પરંપરાગત રીતે સાઉથ આફ્રિકન ટીમ ચોકર્સ પુરવાર થયેલી છે અને કોઈ પણ ટુર્નામેન્ટના અંતિમ તબક્કામાં અથવા તો મહત્વની મેચોમાં તે હારી જવાનો ઇતિહાસ ધરાવે છે. પરંતુ આ વખતે તેઓ અત્યંત પ્રતિબદ્ધતાથી રમી રહ્યા છે.