தென்னிந்திய வாடிக்கையாளர்களை உற்சாகப்படுத்த சலுகை கட்டணத்தில் ‘டொயோட்டா சர்வீஸ் மேளா’ டொயோட்டா கிர்லோஸ்கர் அறிவிப்பு

பருவ மழை துவங்க உள்ள நிலையில் வாடிக்கையாளர்கள் தங்கள் கார்களை எந்தவித பிரச்சினையும் இல்லாமல் முறையாக பராமரிக்க சலுகை கட்டணத்தில் ‘டொயோட்டா சர்வீஸ் மேளா’வை டொயோட்டா கிர்லோஸ்கர் மோட்டார் நிறுவனம் அறிவித்துள்ளது.

- 

இந்த சலுகை தென்னிந்தியா முழுவதும் உள்ள இதன் டீலர்ஷிப்களில் கிடைக்கும். மேலும் இதில் கார் சர்வீஸ், டயர்கள் மற்றும் காருக்கு தேவையான உதிரிபாகங்கள் ஆகியவை சலுகை கட்டணத்தில் கிடைக்கும். இந்த சலுகை இந்த மாதம் இறுதி வரை வழங்கப்படுகிறது. டயர் மற்றும் பேட்டரி சோதனையுடன் 20 புள்ளி இலவச வாகன சோதனை என்னும் கூலன்ட், ஆட்டோ எலக்ட்ரிக்கல் -வயரிங், பெல்ட், பிரேக்கிங் சிஸ்டம், கிளட்ச், பில்டர்கள், என்ஜின் ஆயில், பிரேக் ஆயில், ஏர்கண்டிஷனிங், வைப்பர் பிளேடுகள், ஹார்ன், முன் மற்றும் பின்புற விளக்குகள் மற்றும் சஸ்பென்ஷன் மற்றும் ஸ்டீயரிங் ஆகியவை பரிசோதனை செய்யப்படும்.