காங்கிரஸில் உழைத்தவர்கள் யாரும் முன்னுக்கு வந்ததாக சரித்திரம் இல்லை உழைக்கும் சாமானியர்களுக்கு பொறுப்புகள் வழங்குவது பாஜகவில் மட்டுமே சாத்தியம்

புதுச்சேரி பாஜக மாநில தலைவராக தேர்வு செய்யப்பட்ட வி.பி.ராமலிங்கம் நேற்று முறைப்படி கட்சி அலுவலகத்தில் பொறுப்பேற்றார். அவரை, தலைவர் நாற்காலையில் அமைச்சர் நமச்சிவாயம், செல்வகணபதி எம்.பி.,கல்யாணசுந்தரம் எம்.எல்.ஏ., ஆகியோர் அமர வைத்தனர். இதனைத் தொடர்ந்து அவர், அலுவலக கோப்பில் கையெழுத்திட்டு பொறுப்பேற்று, தனது பணியை தொடங்கினார்.

- 

பின்னர், அவர் நிருபர்களிடம் கூறியதாவது, பாஜக மாநில தலைவராக பொறுப்பேற்றது மகிழ்ச்சியாக உள்ளது. இது பாஜகவில் மட்டுமே சாத்தியம். எந்த ஒரு கட்சியிலும் 30 ஆண்டுகளாக இருந்தாலும் விடமாட்டார்கள். காங்கிரஸ் கட்சியில் ஓரிரு தலைவர்கள் தான் திரும்ப, திரும்ப வருவார்கள். சாமானியர்கள் பதவிக்கு வர முடியாது. சாமானிய குடும்பத்தில் இருந்து வந்த என்னை மாநில தலைவராக பிரதமர் ஆக்கியுள்ளார். இது பாஜகவில் உழைப்போருக்கு அங்கீகாரம் கிடைக்கும் என்று நம்பிக்கையை தருகிறது.