புதுச்சேரிக்கு மாநில அந்தஸ்து வலியுறுத்தி நேரு எம்.எல்.ஏ., தலைமையில் பொதுநல அமைப்புகள் டெல்லியில் போராட்டம்

புதுச்சேரிக்கு மாநில அந்தஸ்து கேட்டு டெல்லியில் சமூக, பொது நல அமைப்பினர் 200க்கும் மேற்பட்டோர் நேரு எம்.எல்.ஏ., தலைமையில் போராட்டம் நடத்தினர்.

- 

புதுச்சேரி யூனியன் பிரதேசமாக இருப்பதால் மக்களால் தேர்ந்தெடுக்கப்பட்ட முதலமைச்சர் உள்ளிட்ட அமைச்சர்களுக்கு போதிய அதிகாரம் இல்லை. நிர்வாகியான துணைநிலை ஆளுநருக்கு தான் அதிகாரம் வழங்கப்பட்டுள்ளது. புதுச்சேரியில் அரசு என்றால் துணைநிலை ஆளுநரைத்தான் குறிக்கும்.

மக்களால் தேர்ந்தெடுத் கப்பட்ட சட்டமன்றம், அமைச்சரவை இருந்தாலும், ஆட்சியாளர்களால் எடுக்கப்படும் முடிவுகள் சுவர்னரிடம் ஒப்புதல் பெற்ற பிறகே நிறைவேற்ற முடியும். கவர்னருக்கு ஆலோசனை சொல்லும் குழுவாகத்தான் அமைச்சரவை கருதப்படுகிறது.

தேர்ந்தெடுக்கப்பட்ட அரசுக்கு அதிகாரம் இருந்தால் தான் வளர்ச்சிப்பணிகளை எளிதில் செய்ய முடியும் என்பதால் புதுவைக்கு மாநில அந்தஸ்து வழங்க வேண்டும் என நீண்டகாலமாக அரசியல் கட்சிகள் வலியுறுத்தி வருகின்றன.

மாநில அந்தஸ்துக்கான போராட்டம் புதுவையில் நீண்டகாலமாக நிலவுகிறது. சட்டசபையில் இதுவரை 16 முறை தீர்மானங்கள் நிறைவேற்றி மத்திய அரசையும் வலியுறுத் தியுள்ளனர். தற்போதைய முதலமைச்சர் ரங்கசாமி ஆளும் பாஜக கூட்டணி இருந்தாலும் அவரும் அவ்வப்பொழுது அதிகாரிகள் ஒத்துழைப்பு இல்லை எனவும் மாநில அந்தஸ்தை சுட்டிக்காட்டியும் பேசி வருகிறார்.