118 பயனாளிகளுக்கு நலத்திட்ட உதவி வழங்கல்

தருமபுரி மாவட்டம், காரிமங்கலம் வட்டம், கம்பைநல்லூர் உள் வட்டம் பன்னிகுளம் கிராமத்தில் மக்கள் தொடர்புத்திட்ட முகாம் மாவட்ட ஆட்சித்தலைவர் சதீஸ் தலைமையில் நடைபெற்றது.

- 

இம்மக்கள் தொடர்பு திட்ட முகாமில் 118 பயனாளிகளுக்கு ரூ.29.52 லட்சம் மதிப்பீட்டில் பல்வேறு துறைகளின் சார்பில் அரசு நலத்திட்ட உதவிகளை மாவட்ட ஆட்சித்தலைவர் சதீஸ், அரூர் சட்டமன்ற உறுப்பினர் வே.சம்பத்குமார் முன்னிலையில் வழங்கினார்.

மக்கள் தொடர்பு திட்ட முகாமில் வருவாய்த் துறையின் சார்பில் 2 பயனாளிகளுக்கு ரூ.4 இலட்சம் மதிப்பில் லவச வீட்டுமனை பட்டாக்களையும், 10 பயனாளிகளுக்கு பட்டா மாற்றத்திற்கான ஆணைகளையும், 5 பயனாளிகளுக்கு ரூ.1.12 லட்சம் மதிப்பில் இயற்கை மரணம் உதவித்தொகைகளையும், 1 பயனாளிக்கு ரூ.8,000 மதிப்பில் திருமண உதவித்தொகை. 2 பயனாளிகளுக்கு இறப்பு சான்றுகளும், வட்ட வழங்கல் பிரிவின் சார்பில் 51 பயனாளிகளுக்கு ரூ.6.76 லட்சம் மதிப்பில் குடும்ப அட்டைகளையும், மாற்றுத் திறனாளிகள் நலத்துறையின் சார்பில் 2 மாற்றுத்திறனாளிகளுக்கு ரூ.1.93 லட்சம் மதிப்பில் இணைப்பு சக்கரம் பொருத்தப்பட்ட இருசக்கர வாகனங்களும், கூட்டுறவுத் துறையின் சார்பில் 10 பயனாளிகளுக்கு ரூ.4.34 லட்சம் மதிப்பில் கால்நடை பராமரிப்பு கடன் உதவிகளும், தோட்டக்கலைத்துறையின் சார்பில் 9 பயனாளிகளுக்கு ரூ.6.74 லட்சம் மதிப்பில் தென்னங்கன்று, மாங்கன்று மற்றும் சொட்டு நீர் பாசன கருவிகளையும், வேளாண்மை மற்றும் உழவர் நலத்துறையின் சார்பில் 16 பயனாளிகளுக்கு ரூ.16,900 மதிப்பில் விசை தெளிப்பான், உயிரி உரம் உள்ளிட்ட உதவிகளும், வேளாண்மை மற்றும் பொறியியல் துறையின் சார்பில் 1 பயனாளிக்கு ரூ.74,000 மதிப்பில் பவர் வீடர்கள், மகளிர் திட்டம் சார்பில் 9 மகளிர் சுய உதவிக்குழுக்களுக்கு ரூ.3.60 லட்சம் மதிப்பில் கடன் உதவிகள் என மொத்தம் 118 பயனாளிகளுக்கு ரூ.29.52 லட்சம் (ரூ.29,51,647/) மதிப்பிலான பல்வேறு அரசு நலத்திட்ட உதவிகளை மாவட்ட ஆட்சித்தலைவர் வழங்கினார்.