നിതീഷ് തന്നെ ബിജെപിക്ക് 15 മന്ത്രിമാർ

ഉപമുഖ്യമന്ത്രിയും ബിജെപിയിൽ നിന്ന് ജെഡിയുവിന് 14 മന്ത്രിമാർ ചിരാഗിന് മൂന്ന് മന്ത്രിമാർ

- 

പട്ന: ബിഹാറിൽ മന്ത്രിസഭാ ചർച്ചകൾ പൂർത്തിയാക്കി എൻഡിഎ. നിതീഷ് കുമാർ മുഖ്യമന്ത്രിയായി തുടരും, എൻ ഡിഎ സർക്കാരിന്റെ സത്യപ്രതിജ്ഞാ ചടങ്ങ് ബുധനാഴ്ചയോ വ്യാഴാഴ്ചയോ നടക്കും. കേന്ദ്ര ആഭ്യന്തര മന്ത്രി അമിത് ഷായുമായുള്ള കൂടിക്കാഴ്ചയിലാണ് മന്ത്രിസഭാംഗങ്ങളെ കുറിച്ചുള്ള ചർച്ചകൾ പൂർത്തിയാക്കിയത്. 89 സീറ്റുകൾ നേടിയ ബിജെപിയാണ് എൻഡിഎയിലെ ഏറ്റവും വലിയ ഒറ്റകക്ഷി. 85 സീറ്റുകളുമായി ജെഡിയുവും മികച്ച പ്രകടനമാണ് കാഴ്ചവച്ചത്. എൽജെപിക്ക് 19 സീറ്റും എച്ച്എഎമ്മിന് 5 സീറ്റുകളുമാണ് ലഭിച്ചത്. മന്ത്രിസഭയിൽ ഈ പാർട്ടികൾക്കും സ്ഥാനം ലഭിച്ചേക്കും. കൂടുതൽ മന്ത്രിപദവികൾ ബിജെപിക്ക് ലഭിക്കും. ഓരോ ആറ് എംഎൽഎമാർക്കും ഒരു മന്ത്രി എന്ന ഫോർമുലയാണ്എൻഡിഎ പിന്തുടരുന്നത്. ഇതുപ്രകാരം ബിജെപിക്ക് 15 മന്ത്രിസ്ഥാനങ്ങളും ജെഡിയുവിന് 14 മന്ത്രി സ്ഥാനങ്ങളും ലഭിക്കും.