सेर सीधा के महत्व गांव-देहात म

हमर छत्तीसगढ़ ल धान के कटोरा कहे जाथै। इहां धान के उपज ले ही कोठी-कुरिया छलकथै। धान के पैदावारी ले ही हमर लोक परम्परा, संस्कृति, रस्म-रिवाज, रहन-सहन अउ खान-पान के निर्वहन जुड़े हावै। इही धान ले चाऊर होथै अउ धान के सबले महत्वपूर्ण सहायक फसल दलहन जइसे, राहेर, चना, लाख-लाखड़ी (तिवरा), मूंग, मसूर, उरिद मिलथे, जेकर ले हमर छत्तीसगढ़ के खान-पान जुड़े हावै।

- टीकेश्वर सिन्हा 'गब्दीवाला'

हमर छत्तीसगढ़ के गांव-देहात म दारचाऊर एक दान-दक्षिणा स्वरूप लोकसंस्कृति के चिन्हारी आय। हमर ग्रामीण क्षेत्र म दार- चाऊर के लेवई-देवई के बड़ महत्व है। ये एक सामाजिक आत्मीक उपहार आय, जइसे कि कोनो गाव म कोनों घर बर-बिहाव या मरिया काम-काज होय, त घर वाले हर अपन पारा-परोस के लोगन या हितीपिरोती ल नेवता देथै। अपन सुविधा मुताबिक नेवताय लोगन ल खाये बर घर म सामूहिक रूप म बलाथै, जेन ला 'मांदी' कहे जाथै। कोनों कारण ले घर वाले हर नेवताय लोगन ल खाय बर नइ बला पाय, त काम-कारज के निपटे ले खुद घर वाले या फेर वोकर करीबी व्यक्ति ह नेवताय लोगन के घर जाथै, अउ हूँद कराथै- 'घर म कोन हो जी...!.. सुपाला हू। दार-चार झोंकौ।' नेवताय घर वाले ह तुरते सुपा लाथै। नेवता देवइया हर सुपा म करीबन एक गिलास याने पाव भर चाऊर, ठोमा अकन दार, थोरिक नून-मिरची, -तीन न आलू अउ कलेवा म लाडू, अरसा अउ बराहा सुपा मढ़ा। ये जम्मो जिनीस लगभग एक मनखे बिया के भोजन के जिनीस के बरोबर होथै। माने, ये दार-चाँऊर ह वो नेवताय मनखे के भोजन-अस माने जाथै। दार- चाँऊर ह नेवता देवइया याने घरवाले अउ नेवताय पाय मनखे ल प्रसन्नचित्त संतुष्टि के एहसास थै। कभू कभू नइ नेवताय राहँय, तउनो मन ल दारचाँऊर बाँट दे जाथै। पर आजकल बहुत कम दार-चाँ