'Water crisis looming'

A water crisis is looming in George, warns Dr Dennis Farrell of the Business Café.

- Alida de Beer

Farrell reken as die huidige dalende tendens van die Garden Route Dam se watervlak voortduur, kan dit volgende Augustus 15% bereik.

In 'n Business Café-verklaring verlede week wys Farrell daarop dat die watervlak gedaal het teen 'n geskatte gemiddelde van 4.3% per maand - van 100% tot 57.11% - oor 10 maande van Januarie tot Oktober (met 'n gemiddelde reënval van 62.9 mm oor hierdie tydperk).

Die jongste watervlak wat Dinsdag 11 November deur George Munisipaliteit gepubliseer is, is 55.22%.

Die munisipale bestuurder, Godfrey Louw, het Farrell se kommer erken en gesê dat ons, met geen reënval en/of invloei in die dam nie, 20 weke (vyf maande) oor het totdat ons die 15%-merk bereik. "Ons het tans vlak 2B waterbeperkings in plek. Die volgende vlak van waterbeperkings sal vanaf 45% en laer geïmplementeer word, soos beheer deur ons Raadgoedgekeurde Droogtebestuurbeleid."