தடுமாறும் கர்நாடகம்; தோள் கொடுக்கும் மயங்க் அகர்வால்

ரஞ்சி கோப்பை கிரிக்கெட்டின் இறுதி ஆட்டத்தில் ஜம்மு & காஷ்மீர் முதல் இன்னிங்ஸில் 584 ரன்கள் குவித்து ஆட்டமிழந்தது.

- 

அடுத்து தனது இன்னிங்ஸை தொடங்கியுள்ள கர்நாடகம், வியாழக்கிழமை ஆட்டநேர முடிவில் 5 விக்கெட்டுகள் இழப்புக்கு 220 ரன்கள் சேர்த்துள்ளது. மயங்க் அகர்வால் சதம் கடந்து நிலைக்கிறார். காஷ்மீர் பௌலர்களில் ஆகிப் நபி அசத்துகிறார்.

முன்னதாக டாஸ் வென்று முதலில் பேட் செய்த காஷ்மீர், 2-ஆம் நாள் ஆட்டநேர முடிவில் 6 விக்கெட்டுகள் இழப்புக்கு 527 ரன்கள் எடுத்திருந்தது. 3-ஆம் நாளான வியாழக்கிழமை, அந்த அணியின் இன்னிங்ஸை சஹில் லோத்ரா, அபித் முஷ்டாக் ஆகியோர் தொடர்ந்தனர்.