நீதிபதிகள் மாறினாலும் தீர்ப்புகளை நிராகரிக்கக் கூடாது

உச்சநீதிமன்ற நீதிபதி பி.வி.நாகரத்னா

- 

நீதிபதிகள் மாறியதை அல்லது அவர்கள் ஓய்வுபெற்றதை மட்டுமே கருத்தில் கொண்டு, அவர்கள் வழங்கிய தீர்ப்பை நிராகரிக்கக் கூடாது என்று உச்சநீதிமன்றத்தின் ஒரே பெண் நீதிபதியான பி.வி. நாகரத்னா தெரிவித்தார்.

இதுதொடர்பாக ஹரியாணா மாநிலம் சோனிபத் மாவட்டத்தில் சர்வதேச நீதித்துறை சுதந்திர மாநாட்டில் அவர் பேசியதாவது: நாட்டு நிர்வாகத்தின் ஒருங்கிணைந்த அங்கமாக நீதித்துறை உள்ளது. தளர்த்தப்பட்ட விதிமுறைகள், பரந்த அதிகாரங்கள், பல வகையான தீர்வுகளை அளிப்பதன் காரணமாக இந்தியர்களின் வருங்காலம் சார்ந்த அனைத்து வகையான கேள்விகள் குறித்தும் முடிவு எடுக்க நீதிமன்றத்தில் கோரப்படுகிறது. தற்போது சட்ட மீறல் நடைபெறும் போதெல்லாம் சட்டத்தின் ஆட்சியை உறுதி செய்ய வேண்டிய கடமை நீதித்துறைக்கு உள்ளதாகக் கருதப்படுகிறது.