அமெரிக்கா: நியூயார்க் நகரில் ஏப். 14 அம்பேத்கர் தினமாக கடைப்பிடிப்பு

'அமெரிக்காவின் நியூயார்க் நகரில் அம்பேத்கரின் பிறந்தநாளான ஏப்ரல் 14-ஆம் தேதி, அவரை நினைவுகூரும் தினமாக கடைப்பிடிக்கப்பட்டது' என்று அந்த நகர மேயர் எரிக் ஆடம்ஸ் அறிவித்தார்.

- 

நியூயார்க், ஏப். 15:

நியூயார்க் நகரில் உள்ள ஐ.நா. தலைமையகத்தில் அம்பேத்கரின் பிறந்தநாள் நிகழ்ச்சி நடைபெற்றது. மத்திய சமூக நீதி மற்றும் அதிகாரமளித்தல் துறை இணை அமைச்சர் ராம்தாஸ் அதாவலே, நியூயார்க் நகர மேயர் அலுவலகத்தின் சர்வதேச விவகாரங்களுக்கான துணை ஆணையர் திலீப் சௌஹான் ஆகியோர் கலந்து கொண்ட இந்நிகழ்ச்சியில் மேயர் எரிக் இந்த அறிவிப்பை வெளியிட்டார்.

அம்பேத்கரின் உலகளாவிய நீதி மற்றும் சமத்துவ மரபை கெளரவித்ததற்காக மேயர் எரிக் மற்றும் துணை ஆணையர் திலீப் சௌகான் ஆகியோருக்கு நன்றி தெரிவித்து மத்திய அமைச்சர் அதாவலே சமூக ஊடகத்தில் பதிவிட்டுள்ளார்.