குமரி அனந்தன் உடல் அரசு மரியாதையுடன் தகனம்

காங்கிரஸ் மூத்த தலைவர் குமரி அனந்தனின் உடல் சென்னை வடபழனி மயானத்தில் அரசு மரியாதையுடன் புதன்கிழமை தகனம் செய்யப்பட்டது.

- 

வைகோ, தமாகா தலைவர் ஜி.கே. வாசன், பாஜக துணைத் தலைவர் கரு.நாகராஜன், சரத்குமார் உள்ளிட்ட அரசியல் கட்சித் தலைவர்களும், நாசர், செந்தில், நமிதா, மன்சூர் அலிகான் உள்ளிட்ட திரைத் துறையினரும், விஐடி வேந்தர் கோ.விசுவநாதன், தமிழ்நாடு வணிகர் சங்கங்களின் பேரமைப்பு தலைவர் விக்கிரமராஜா உள்ளிட்டோரும் நேரில் அஞ்சலி செலுத்தினர்.

இறுதியாக வடபழனியில் உள்ள ஏவிஎம் மின்மயானத்தில் நடைபெற்ற இறுதிச்சடங்கில் குமரி அனந்தனின் உடலுக்கு 21 குண்டுகள் முழங்க அரசு மரியாதை செலுத்தப்பட்டது. குமரி அனந்தனின் குடும்பத்தினர் இறுதி மரியாதை செலுத்திய பின்பு அவரது உடல் தகனம் செய்யப்பட்டது.

இறுதி அஞ்சலி செலுத்திய பின்பு அரசியல் கட்சித் தலைவர்கள் செய்தியாளர்களிடம் கூறியதாவது:

எடப்பாடி பழனிசாமி (அதிமுக): தமிழக காங்கிரஸ் கட்சியின் மூத்த தலைவரும், இலக்கியவாதியுமான குமரி அனந்தனின் மறைவு மிகுந்த வருத்தம் அளிக்கிறது. தமிழிசை சௌந்தரராஜனுக்கும் அவரது குடும்பத்தினருக்கும் ஆழ்ந்த இரங்கலை தெரிவித்துக் கொள்கிறேன்.