வக்ஃப் மசோதாவுக்கு எதிராக உச்சநீதிமன்றத்தில் என்ஜிஓ வழக்கு

வக்ஃப் சட்டத் திருத்த மசோதாவுக்கு எதிராக தன்னார்வ தொண்டு நிறுவனம் (என்ஜிஓ) சார்பில் உச்சநீதிமன்றத்தில் மனு தாக்கல் செய்யப்பட்டுள்ளது.

- 

புது தில்லி, ஏப். 5:

இம்மசோதாவுக்கு எதிராக காங்கிரஸ், அகில இந்திய மஜ்லிஸ், ஆம் ஆத்மி ஆகிய கட்சிகள் தரப்பில் ஏற்கெனவே மனுக்கள் தாக்கல் செய்யப்பட்ட நிலையில், மேலும் ஒரு வழக்கு தொடரப்பட்டுள்ளது.

வக்ஃப் சொத்துகளின் நிர்வாகத்தை சீரமைக்கும் நோக்கில், கடந்த 1995-ஆம் ஆண்டின் வக்ஃப் சட்டத்தில் திருத்தங்கள் மேற்கொள்ளும் மசோதா, மக்களவையில் கடந்த புதன்கிழமை நள்ளிரவிலும், மாநிலங்களவையில் கடந்த வெள்ளிக்கிழமை அதிகாலையிலும் நிறைவேற்றப்பட்டது.