மிட்செல், கிளென் அதிரடி: தொடரைக் கைப்பற்றியது நியூஸி.

இந்தியாவுக்கு எதிரான கடைசி ஒருநாள் ஆட்டத்தை 41 ரன்கள் வித்தியாசத்தில் வென்று தொடரை 2-1 எனக் கைப்பற்றியது நியூஸிலாந்து.

- 

முதலில் ஆடிய நியூஸி. 337/8 ரன்களை குவிக்க, பின்னர் ஆடிய இந்தியா 296 ரன்களுக்கு ஆல் அவுட்டானது.இரு அணிகளுக்கு இடையிலான ஒரு நாள் தொடர் இந்தியாவில் நடைபெறுகிறது. முதல் ஆட்டத்தில் இந்தியாவும், இரண்டாவது ஒருநாள் ஆட்டத்தில் நியூஸிலாந்தும் வெற்றி பெற்றன. தொடர் 1-1 என உள்ள நிலையில் முடிவை நிர்ணயிக்கும் மூன்றாவது மற்றும் கடைசி ஒரு நாள் மத்திய பிரதேச மாநிலம் இந்தூரில் ஞாயிற்றுக்கிழமை நடைபெற்றது.

ஆரம்பமே நியூஸிக்கு அதிர்ச்சி: டாஸ் வென்ற இந்தியா பௌலிங்கை தேர்வு செய்ய, நியூஸிலாந்து அணி தரப்பில் டேவன் கான்வே, ஹென்றி நிக்கோல்ஸ் தொடக்க பேட்டர்களாக களமிறங்கினர். ஆனால் தொடக்க பேட்டரான ஹென்றி நிக்கோல்லை போல்டாக்கி கோல்டன் டக் அவுட்டாக்கி பெவிலியன் அனுப்பினார் அர்ஷ்தீப் சிங். டேவன் கான்வே 5 ரன்கள் எடுத்திருந்த நிலையில், ஹர்ஷித் ராணா பந்தில் ரோஹித்திடம் கேட்ச் தந்து வெளியேறினார்.

மூன்றாவது டௌன் வீரரான வில் யங் சீராக ஆட முயன்ற போதிலும் ஹர்ஷித் ராணா பந்தில் 1 சிக்ஸர், 5 பவுண்டரியுடன் 30 ரன்களை எடுத்து, ஜடேஜாவிடம் கேட்ச் தந்து வெளியேறினார்.