அமைதி திட்டம்: உக்ரைனுக்கு டிரம்ப் கெடு

தனது 28 அம்ச அமைதித் திட்டத்தை ஏற்க உக்ரைனுக்கு அமெரிக்க அதிபர் டொனால்ட் டிரம்ப் கெடு விதித்துள்ளார். உக்ரைன் அரசு ஏற்கெனவே நிராகரித்திருந்த பல அம்சங்கள் அந்த திட்டத்தில் இடம் பெற்றுள்ள நிலையில், டிரம்ப் விதித்துள்ள கெடு பரபரப்பை ஏற்படுத்தியுள்ளது.

- 

இது குறித்து டிரம்ப் கூறியதாவது: போர் நிறுத்தம் தொடர்பான வரைவு திட்டத்தை உக்ரைன் வரும் வியாழக்கிழமைக்குள் (நவ. 27) ஏற்க வேண்டும். அதுதான் சரியான நேரம். அந்த தேதிக்குள் அமைதி திட்டத்தை உக்ரைன் ஏற்காவிட்டால் அந்த நாட்டுக்கு அமெரிக்கா அளித்துவரும் ஆதரவு நிறுத்தப்படும்.

இந்த வரைவு திட்டம் ரஷியா, உக்ரைன் ஆகிய இரு தரப்புக்குமே நன்மை பயக்கும். எனவே உக்ரைன் அரசு அதை ஏற்க வேண்டும். அதுதான் அமைதிக்கு வழிவகுக்கும் என்று டிரம்ப் வலியுறுத்தினார்.

எனினும், உக்ரைன் அதிபர் வொலோதிமீர் ஸெலன்ஸ்கி கூறுகையில், 'இது உக்ரைன் வரலாற்றின் மிகக் கடினமான தருணங்களில் ஒன்று. நாங்கள் எங்கள் இறையாண்மையை இழப்பது, அல்லது எங்களுக்கு உதவியளித்து வரும் முக்கிய நாட்டின் ஆதரவை இழப்பது ஆகிய இரண்டு கடினமான முடிவுகளில் ஒன்றைத் தேர்ந்தெடுக்க வேண்டிய நிலைக்கு தள்ளப்பட்டுள்ளோம்.