அறிமுகமில்லாத நபர்களின் கைப்பேசி அழைப்புகளை தவிர்க்க வேண்டும்

பரிசு, சலுகைகள் தருவதாகக் கூறும் அறிமுகமில்லாத நபர்களின் கைப்பேசி அழைப்புகளை தவிர்த்து விட்டால், இணையவழி குற்றச்செயல்கள் வெகுவாகக் குறையும் என்று விழுப்புரத்தில் காவல் துறை சார்பில் வெள்ளிக்கிழமை நடைபெற்ற விழிப்புணர்வு கருத்தரங்கில் மாவட்ட ஆட்சியர் ஷேக் அப்துல் ரஹ்மான் தெரிவித்தார்.

- 

விழுப்புரம், ஜூலை 18:

விழுப்புரம் மாவட்டக் காவல் துறை சார்பில் பெண்கள் மற்றும் குழந்தைகள் பாதுகாப்பு, சாலை பாதுகாப்பு, போதைப்பொருள்கள் ஒழிப்பு மற்றும் சைபர் குற்றங்கள் தடுப்பு குறித்த விழிப்புணர்வு கருத்தரங்கம் மற்றும் கண்காட்சி-2025 விழுப்புரம் ஆட்சியரகப் பெருந்திட்ட வளாகத்தில் உள்ள மாவட்டக் காவல் கவாத்து மைதானத்தில் வெள்ளிக்கிழமை நடைபெற்றது.

பெண்கள் மற்றும் குழந்தைகள் பாதுகாப்பு, சாலை பாதுகாப்பு, போதை ஒழிப்பு மற்றும் சைபர் குற்றங்கள் தடுப்பு, பள்ளி - கல்லூரி மாணவ மாணவிகள் மற்றும் பொதுமக்களுக்கு விழிப்புணர்வு ஏற்படுத்தும் நோக்கில் இந்நிகழ்ச்சிகள் நடைபெற்றன.