சென்செக்ஸ், நிஃப்டி 2-ஆவது நாளாக சரிவு!

அமெரிக்கா-ஈரான் இடையே கடல்வழி முற்றுகை நீடிப்பதால் தொடரும் கச்சா எண்ணெய் விலை உயர்வின் காரணமாக, இந்தியப் பங்குச் சந்தையில் 2-ஆவது நாளாக வியாழக்கிழமையும் சரிவு காணப்பட்டது.

- 

இதைத் தொடர்ந்து, மும்பை பங்குச்சந்தைக் குறியீடான சென்செக்ஸ், தேசிய பங்குச் சந்தைக் குறியீடான நிஃப்டி ஆகிய இரண்டும் சுமார் 1 சதவீத வீழ்ச்சியுடன் வர்த்தகத்தை நிறைவு செய்தன.

மத்திய கிழக்கு போர் பதற்றம் மற்றும் அமைதிப் பேச்சுவார்த்தையில் நிலவும் இழுபறி போன்ற காரணங்களால் முதலீட்டாளர்கள் அச்சம் அடைந்தனர்.

கச்சா எண்ணெய் விலை உயர்ந்ததுடன், அந்நிய முதலீடுகள் வெளியேற்றம், உலகளாவிய சந்தைகளில் நிலவிய சரிவு ஆகியவை இந்தியச் சந்தையில் பெரும் தாக்கத்தை ஏற்படுத்தின.