உலக பயங்கரவாத மையம் பாகிஸ்தான்

ஐ.நா.வில் ஜெய்சங்கர் தாக்கு

- 

உலக பயங்கரவாத மையமாக பாகிஸ்தான் திகழ்வதாக இந்திய வெளியுறவு அமைச்சர் எஸ். ஜெய்சங்கர் சனிக்கிழமை தெரிவித்தார்.

மேலும், பயங்கரவாதத்தை ஊக்குவிக்கும் நாடுகளை மன்னிப்பவர்களுக்கு அது எதிர்மறையாக மாறிவிடும் நாள் தொலைவில் இல்லை எனவும் அவர் எச்சரித்தார்.

பாகிஸ்தான் பெயரை நேரடியாக குறிப்பிடாமல் மறைமுகமாக அவர் பேசினார்.

அமெரிக்காவில் நடைபெற்று வரும் ஐ.நா. பொதுச் சபைக் கூட்டத்தின் 80-ஆவது அமர்வில் இந்தியா சார்பில் பங்கேற்ற அவர், 'சபையில் கூடியுள்ள அனைவருக்கும் பாரத மக்கள் சார்பாக வணக்கம்' எனக்கூறி தனது உரையைத் தொடங்கினார்.

அவர் பேசியதாவது: உலக பயங்கரவாத மையாக இந்தியாவின் அண்டை நாடு (பாகிஸ்தான்) திகழ்கிறது. இந்தியாவில் நடந்த பல்வேறு அதிபயங்கர தாக்குதல்களுக்கு அந்த அண்டை நாடுதான் முழு காரணம். சுதந்திரம் கிடைத்தது முதல் பயங்கரவாத தாக்குதல்களை இந்தியா எதிர்கொண்டு வருகிறது.