சாராய தடுப்பு வேட்டை: அல்லேரி மலையில் வேலூர் எஸ்.பி. ஆய்வு

அல்லேரி மலைப்பகுதியில் வேலூர் மாவட்ட காவல் கண்காணிப்பாளர் ஏ.மயில்வாகனன் தலைமையில் போலீஸார் ஞாயிற்றுக்கிழமை தீவிர சாராய தடுப்பு வேட்டையில் ஈடுபட்டனர்.

- 

வேலூர், ஜூலை 27:

வேலூர் மாவட்ட மலைப்பகுதிகளில் கள்ளச்சாராயம் காய்ச்சி மலை அடிவாரங்களில் உள்ள கிராமங்கள், சுற்றுவட்டார பகுதிகளில் விற்பனை செய்யப்படுவதை தடுக்கும் வகையில் காவல் துறையினர் தீவிர நடவடிக்கைகள் மேற்கொண்டு வருகின்றனர்.

அதனடிப்படையில், எஸ்.பி. ஏ.மயில்வாகனன் தலைமையில் கூடுதல் காவல் கண்காணிப்பாளர் பாஸ்கரன், மதுவிலக்கு அமலாக்கப் பிரிவு காவல் ஆய்வாளர் செந்தில் குமார் மற்றும் 30-க்கும் மேற்பட்ட போலீஸார் அடங்கிய குழுவினர் அணைக்கட்டு வட்டத்திலுள்ள அல்லேரி, அத்திமரத்துக்கொல்லை, லில்லிமரத்துக்கொல்லை ஆகிய மலை கிராமங்கள், மலைப்பகுதிகளில் சாராய தடுப்பு வேட்டையில் ஈடுபட்டனர்.