மணிப்பூரில் விரைவில் மக்களால் தேர்ந்தெடுக்கப்பட்ட அரசு: பிரேன் சிங்

தற்போது குடியரசுத் தலைவர் ஆட்சியின் கீழ் உள்ள மணிப்பூரில் விரைவில் மக்களால் தேர்ந்தெடுக்கப்பட்ட அரசை அமைப்பதற்கு முயற்சிகள் நடைபெற்று வருவதாக மாநிலத்தின் முன்னாள் முதல்வர் பிரேன் சிங் தெரிவித்தார்.

- 

இம்பால், ஜூன் 28:

மணிப்பூர் தலைநகர் இம்பாலில் பாஜக தலைமையகத்தில் சனிக்கிழமை நடைபெற்ற நிகழ்ச்சியைத் தொடர்ந்து அவர் செய்தியாளர்களிடம் கூறியதாவது:

மணிப்பூரில் விரைவில் மக்களால் தேர்ந்தெடுக்கப்பட்ட அரசை அமைப்பதற்கு முயற்சித்து வருகிறோம். கள நிலவரத்தை ஆராய்ந்த பிறகு விரைவில் புதிய அரசு அமையும் என்ற நம்பிக்கை ஏற்பட்டுள்ளது.

மாநிலத்தில் அமைதி திரும்ப வேண்டும் என்றே அனைவரும் விரும்புகின்றனர். அமைதி அவசியமானது. கடந்த ஏழு, எட்டு மாதங்களாக சமூகங்களுக்கு இடையே மோதல் ஏற்பட்டதாக தகவல் ஏதுமில்லை.