பயங்கரவாத எதிர்ப்பு: இந்தியாவுக்கு அமெரிக்கா ஆதரவு

'பயங்கரவாதத்துக்கு எதிரான இந்தியாவின் நடவடிக்கையில் அமெரிக்கா உறுதியுடன் துணை நிற்கும்' என்று அமெரிக்க வெளியுறவுத் துறை இணையமைச்சர் கிறிஸ்டோபர் லண்டா நம்பிக்கை தெரிவித்தார்.

- 

வாஷிங்டன், ஜூன் 7: அமெரிக்கா சென்ற காங்கிரஸ் எம்.பி. சசி தரூர் தலைமையிலான இந்திய தூதுக்குழுவினர் உடனான சந்திப்பின்போது இக்கருத்தை கிறிஸ்டோபர் லண்டா தெரிவித்தார்.

பஹல்காமில் பயங்கரவாதத் தாக்குதலுக்குப் பதிலடியாக, பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் கடந்த மே 7-ஆம் தேதி இந்திய ராணுவம் ஏவுகணைத் தாக்குதலை நடத்தி (ஆபரேஷன் சிந்தூர்), பயங்கரவாத உள்கட்டமைப்புகளை அழித்தது. பின்னர், இரு நாடுகளுக்கும் இடையே 4 நாட்களுக்கு ராணுவ மோதல் ஏற்பட்டு, பாகிஸ்தானின் கோரிக்கையின் பேரில் சண்டை நிறுத்திவைக்கப்பட்டுள்ளது.