பாமகவிடம் இழப்பீடு வசூலிப்பது குறித்து 8 வாரங்களில் அரசு உத்தரவிட வேண்டும்

கடந்த 2013-ஆம் ஆண்டு நிகழ்ந்த மரக்காணம் கலவரத்தைத் தொடர்ந்து ஏற்பட்ட இழப்பை, பாமகவிடம் வசூலிப்பது தொடர்பான விசாரணையை உயர்நீதிமன்ற உத்தரவுப்படி நடத்தி எட்டு வாரங்களில் உத்தரவு பிறப்பிக்க தமிழக அரசுக்கு சென்னை உயர்நீதிமன்றம் உத்தரவிட்டது.

- 

சென்னை, ஜூன் 4:

மாமல்லபுரத்தில், கடந்த 2013-ஆம் ஆண்டு நடைபெற்ற வன்னியர் சங்க சித்திரை முழுநிலவு திருவிழாவின்போது மரக்காணத்தில் ஏற்பட்ட கலவரத்தில் பேருந்துகள் சேதப்படுத்தப்பட்டன. பல்வேறு மாவட்டங்களில் டாஸ்மாக் கடைகள் தீவைக்கப்பட்டன. பாமகவினர் போராட்டம் காரணமாக, 2013 ஏப். 25-ஆம் தேதி முதல் மே 19-ஆம் தேதி வரை சென்னை, காஞ்சிபுரம், திருவள்ளூர் ஆகிய மாவட்டங்களில் பொது போக்குவரத்து பாதிக்கப்பட்டது. டாஸ்மாக் கடைகள் அடைப்பால் ஏற்பட்ட வருவாய் இழப்பை பாமகவிடம் இருந்து வசூலிக்க தமிழக வருவாய் நிர்வாக ஆணையர் நடவடிக்கை எடுத்துள்ளார்.