பிரதமரை விமர்சிக்கும் எதிர்க்கட்சிகள் நாட்டுக்கு எதிராக திரும்பக் கூடாது

மத்திய அமைச்சர் வலியுறுத்தல்

- 

ராய்பூர், மே 13: பிரதமர் மோடியை விமர்சிக்கும் எதிர்க்கட்சிகள், நாட்டுக்கும் ராணுவத்துக்கும் எதிராக திரும்பக் கூடாது என்று மத்திய வேளாண் துறை அமைச்சர் சிவ ராஜ் சிங் சௌஹான் வலியுறுத்தினார்.

இந்திய ராணுவத்தால் மேற்கொள்ளப்பட்ட ஆபரேஷன் சிந்தூர் நடவடிக்கை, பாகிஸ்தான் உடனான ராணுவ மோதல் உள்ளிட்டவை குறித்து நாட்டு மக்களுக்கு பிரதமர் மோடி முதல் முறையாக ஞாயிற்றுக்கிழமை உரையாற்றினார்.

அப்போது, 'பாகிஸ்தான் கெஞ்சிக்கேட்டுக் கொண்டதால்தான், சண்டை நிறுத்தம் மேற்கொள்ளப்பட்டது; இந்தியாவுக்கு எதிரான பயங்கரவாதத்தைக் கைவிடுவது, ஆக்கிரமிப்பு காஷ்மீர் ஆகிய இரு விவகாரங்கள் தவிர பாகிஸ்தானுடன் வேறெந்த பேச்சுவார்த்தையும் கிடையாது' என்று பிரதமர் மோடி தெரிவித்தார்.