90 நாள்களுக்கு வர்த்தகப் போர் நிறுத்தம்: அமெரிக்கா-சீனா ஒப்புதல்

கூடுதல் வரி விதிப்புகள் மூலம் நடத்திவரும் வர்த்தகப் போரை 90 நாள்களுக்கு நிறுத்திவைக்க அமெரிக்காவும் சீனாவும் ஒப்புக் கொண்டுள்ளன.

- 

ஜெனீவா, மே 12:

இது குறித்து பேச்சுவார்த்தைக் குழுவைச் சேர்ந்த அமெரிக்க வர்த்தகத்துறை பிரதிநிதி ஜேமிசன் கிரீர் திங்கள்கிழமை கூறியதாவது:

அமெரிக்காவும் சீனாவும் அண்மைக் காலமாக பரஸ்பரம் அறிவித்துவந்த கூடுதல் வரி விதிப்புகளை 90 நாள்களுக்கு நிறுத்திவைக்க இரு தரப்பினரும் ஒப்புக்கொண்டுள்ளோம்.

அதன்படி, சீன பொருள்கள் மீது அறிவிக்கப்பட்டிருந்த 145 சதவீத கூடுதல் வரி விதிப்பு 30 சதவீதமாகக் குறைக்கப்படுகிறது. சீனாவும் அமெரிக்க பொருள்கள் மீதான 115 சதவீத கூடுதல் வரி விதிப்பை 10 சதவீதமாகக் குறைக்கிறது என்றார் அவர்.