ரூ.53,000 கோடிக்கு விற்பனை செய்த வீடு-மனை நிறுவனங்கள்

இந்தியாவின் பங்குச் சந்தையில் பட்டியலிடப்பட்ட 28 வீடு-மனை வர்த்தக நிறுவனங்கள் ஏப்ரல்-ஜூன் காலாண்டில் சுமார் ரூ.53,000 கோடி மதிப்பிலான சொத்துகளை விற்பனை செய்துள்ளன.

- 

புது தில்லி, செப். 1:

இது குறித்து அந்த நிறுவனங்கள் பங்குச் சந்தையில் தாக்கல் செய்துள்ள ஒழுங்காற்று அறிக்கைகளின் தரவுகள் தெரிவிப்பதாவது:

கடந்த ஏப்ரல் முதல் ஜூன் வரையிலான நடப்பு நிதியாண்டின் முதல் காலாண்டில் 28 பட்டியலிடப்பட்ட வீடு-மனை நிறுவனங்கள் மொத்தம் ரூ.52,842 கோடி மதிப்பிலான சொத்துகளை விற்பனை செய்துள்ளன.

விற்பனை முன்பதிவுகளைப் பொருத்தவரை, பெங்களூரைச் சேர்ந்த பிரஸ்டீஜ் எஸ்டேட்ஸ் ப்ராஜெக்ட்ஸ் லிமிடெட் ரூ.12,126.4 கோடி மதிப்பிலான சொத்துகளுக்கு விற்பனை முன்பதிவு பெற்று முதலிடம் பிடித்துள்ளது.

சந்தை மூலதனத்தில் இந்தியாவின் மிகப்பெரிய வீடு-மனை நிறுவனமான டிஎல்எஃப் லிமிடெட், குருகிராமின் ஆடம்பர வீட்டு விற்பனை மூலம் ரூ.11,425 கோடி மதிப்பில் விற்பனை முன்பதிவு பெற்று இரண்டாம் இடத்தில் உள்ளது.

மதிப்பீட்டுக் காலாண்டில் மும்பையைச் சேர்ந்த கோத்ரெஜ் ப்ராபர்ட்டீஸ் ரூ.7,082 கோடி மதிப்பிலும், லோதா டெவலப்பர்ஸ் ரூ.4,450 கோடி மதிப்பிலும் சொத்துகளை விற்பனை செய்துள்ளன.