துறைமுகத்தில் விசைப் படகுகளை நிறுத்திவைத்துள்ள மீனவர்கள்

சீர்காழி அருகே பழையார் கிராமத்தில் விசைப் படகு மீனவர்கள், இரு தினங்களாக மீன்பிடிக்க கடலுக்குள் செல்லாமல், படகுகளை துறைமுகத்தில் நிறுத்தி வைத்துள்ளனர்.

- 

சீர்காழி, ஜூலை 13:

சீர்காழியை அடுத்த பழையார் மீனவ கிராமத்தில் இருந்து நாள்தோறும் 200-க்கும் மேற்பட்ட விசைப் படகுகள் 500-க்கும் மேற்பட்ட பைபர் படகுகள் மூலம் மீனவர்கள் மீன்பிடித் தொழிலில் ஈடுபட்டு வருகின்றனர். மீன்பிடி துறைமுகத்தில் இருந்து நாள்தோறும் கேரளம், ஆந்திரம், கர்நாடகம் உள்ளிட்ட மாநிலங்களுக்கு மீன்கள் ஏற்றுமதி செய்யப்படுகின்றன.

இந்நிலையில், கடந்த சில நாட்களாக போதிய மீன்கள் கிடைக்காமல், விசைப்படகு மீனவர்கள் பெரிதும் பாதிக்கப்பட்டுள்ளனர். மீன்பிடி தடைக்காலம் 60 நாட்கள் அமலில் இருந்த நிலையில், தடைக்காலம் முடிவடைந்து தற்போது வரை 10 நாட்கள் கூட முழுமையாக மீன்பிடிக்கச் செல்லவில்லை என்று விசைப் படகு மீனவர்கள் தெரிவிக்கின்றனர்.