குறை தீர்க்கும் பொன்னியம்மன்

7 ஆண்டுகளுக்கு முன்பு பனப்பாக்கம் கிராம எல்லையில், ஏரிக்கரையோரமாக மண்ணில் புதைந்திருந்தது சுவாமி சிலை.

- -தாம்பரம் மனோபாரதி

அந்த வழியாக நடந்து சென்ற சரோஜா என்ற இளம்பெண் தற்செயலாகப் பார்த்தார். உடனே அவர் அருகில் சென்றபோது, சேறு படிந்தவாறு கருங்கல்லில் வடிவமைக்கப்பட்ட அம்மன் சிலை என்பதை அறிந்து மெய்சிலிர்த்துப் போனார். சிலையை வெளியே எடுத்த சரோஜா, மண் சேற்றைத் துடைத்து சுத்தம் செய்தார். பின்னர், அம்மன் சிலையை அதே இடத்தில் பத்திரமாக வைத்து விட்டு, வீடு வந்து சேர்ந்தார் சரோஜா.

இரவு முழுவதும் அம்மன் நினைவே சரோஜாவுக்கு இருந்து, தூக்கம் வராமல் தவித்தார். மறுநாள் சரோஜா குடத்தில் தண்ணீர் எடுத்துக்கொண்டு போய் அம்மன் சிலையை சுத்தம் செய்து, பூவை வைத்து வணங்கி விட்டு திரும்பினார். பின்னர், அவர் அவ்வப்போது வழிபட்டு வந்தார்.