உலகளாவிய எண்ணெய் சந்தை ஸ்திரத்தன்மைக்கு சவூதி அரேபியாவுடன் இணைந்து செயல்படுவோம்

கூட்டறிக்கையில் இந்தியா தகவல்

- 

புது தில்லி, ஏப். 23: உலகளாவிய எண்ணெய் சந்தைகளின் ஸ்திரத்தன்மையை மேம்படுத்தவும், உலகளாவிய எரிசக்தி சந்தையில் சமநிலையை உறுதிப்படுத்தவும் சவூதி அரேபியாவுடன் இணைந்து செயல்பட இருப்பதாக புதன்கிழமை வெளியிடப்பட்ட கூட்டறிக்கையில் இந்தியா தெரிவித்தது.

வளைகுடா நாடான சவூதி அரேபியாவுக்கு பிரதமர் நரேந்திர மோடி மூன்றாவது முறையாக கடந்த செவ்வாய்க்கிழமை அரசுமுறைப் பயணம் மேற்கொண்டார். இந்நிலையில், ஜம்மு-காஷ்மீரின் பஹல்காமில் நடந்த பயங்கரவாத தாக்குதலையொட்டி பயணத்தைப் பாதிலேயே முடித்துக் கொண்டு புதன்கிழமை காலை அவர் தில்லி திரும்பினார்.

இதனிடையே, சவூதி அரேபியாவில் அந்நாட்டு இளவரசர் முகமது பின் சல்மானுடன் பிரதமர் மோடி இரு தரப்பு பேச்சுவார்த்தையில் பங்கேற்றார். அப்போது, பஹல்காம் தாக்குதலுக்கு தலைவர்கள் கூட்டாகக் கண்டனம் தெரிவித்தனர்.