பாதை மாறும் மாணவர்கள்!

சமீபத்தில் திருநெல்வேலியில் உள்ள ஒரு அரசு உதவி பெறும் பள்ளியில் பயிலும் மாணவர்கள் ஆயுதங்களுடன் வந்ததனால் இடைநீக்கம் செய்யப்பட்டதாகச் செய்தி வெளிவந்தது.

- ஐவி.நாகராஜன்

சமீபத்தில் திருநெல்வேலியில் உள்ள ஒரு அரசு உதவி பெறும் பள்ளியில் பயிலும் மாணவர்கள் ஆயுதங்களுடன் வந்ததனால் இடைநீக்கம் செய்யப்பட்டதாகச் செய்தி வெளிவந்தது. அண்மைக்காலமாக பரவலாக பள்ளி மாணவர்களிடையே ஆயுதங்கள் புழக்கம் மட்டும் அல்ல, போதைப்பொருள்கள் பயன்படுத்தும் பழக்கமும் அதிகமாகக் காணப்படுகிறது. நகர்ப்பகுதிகளில் மட்டுமன்றி, கிராமப்பகுதிகளிலும் ஹான்ஸ், கஞ்சா, கூல் லிப் போன்ற போதைப்பொருள்கள் மிகவும் எளிதாகக் கிடைக்கின்றன. அரசு என்னதான் நடவடிக்கை எடுத்தாலும் அதையும் கடந்து மாணவர்களைக் குறிவைத்து போதைப்பொருள் கடத்தல்காரர்கள் செயல்பட்டு வருகிறார்கள் என்பது கவலையாக உள்ளது.