காதலர்கள் மர்மமான முறையில் உயிரிழந்த சம்பவம்: 4 பேர் கைது

தரங்கம்பாடியில் காதலர்கள் மர்மமான முறையில் உயிரிழந்த சம்பவம் தொடர்பாக 4 பேரை போலீஸார் செவ்வாய்க்கிழமை இரவு கைது செய்தனர்.

- 

மயிலாடுதுறை மாவட்டம், தரங்கம்பாடி அருகே புதுப்பாளையத்தை சேர்ந்தவர்கள் மாரிமுத்து மகன் பார்த்திபன் (19), சாத்தங்குடியைச் சேர்ந்த லெட்சுமி காந்தன் மகள் திவ்யதர்ஷினி (17). வெவ்வேறு சமூகத்தை சேர்ந்த காதலர்களான இவர்கள் செவ்வாய்க்கிழமை சாத்தங்குடியில் தூக்கிட்ட நிலையில் சடலமாக மீட்கப்பட்டனர்.

சடலங்களை பொறையார் போலீஸார் கைப்பற்றி, திருவாரூர் மருத்துவக் கல்லூரி மருத்துவமனைக்கு அனுப்பி வைத்து விசாரணை மேற்கொண்டுள்ளனர்.