'அவமதிப்பு' விவகாரம்: கர்நாடக முதல்வரின் சமரசத்தை ஏற்றார் காவல் துறை அதிகாரி

போராட்ட மேடையில் தன்னை அடிக்க கை ஓங்கியதால், விருப்ப ஓய்வுபெற விரும்பிய தார்வாட் மாவட்ட கூடுதல் காவல் கண்காணிப்பாளர், முதல்வர் சித்தராமையாவின் சமரசத்தை ஏற்று வியாழக்கிழமை பணிக்கு திரும்பினார்.

- 

தார்வாட், ஜூலை 3:

பெலகாவியில் ஏப். 28-ஆம் தேதி விலைவாசி உயர்வுக்காக மத்திய அரசைக் கண்டித்து காங்கிரஸ் நடத்திய ஆர்ப்பாட்டத்தில் முதல்வர் சித்தராமையா பங்கேற்று பேசிக் கொண்டிருந்தார். அப்போது சில பெண்கள், காங்கிரஸ் அரசுக்கு எதிராக கருப்புக் கொடி காட்டி முழக்கம் எழுப்பினர். இதனால், ஆத்திரமடைந்த முதல்வர் சித்தராமையா, பாதுகாப்புப் பணியில் ஈடுபட்டிருந்த காவல் அதிகாரியை மேடையில் இருந்தபடியே அழைத்தார். அதன்படி, பாதுகாப்புப் பணியில் ஈடுபட்டிருந்த தார்வாட் மாவட்ட கூடுதல் காவல் கண்காணிப்பாளர் நாராயண் பரமனி, நிகழ்ச்சி மேடைக்குச் சென்றார்.