வளர்ச்சிக்கு வித்திடும் பயிற்சி!

மத்திய அரசு வருகிற 2047ஆம் ஆண்டை நோக்கி இந்தியாவை இட்டுச்செல்ல பல்வேறு முன்னெடுப்புகளைச் செய்து வருகிறது.

- க. பழனித்துரை

ராஜீவ் காந்தி பிரதமராக இருந்த போது இந்தியாவை 21-ஆம் நூற்றாண் டுக்கு அழைத்துச் செல்கிறேன் என்று பல்வேறு முன்னெடுப்புகளை மேற் கொண்டார். அதில் ஒன்று கணினி மயமாக்குதல்; அடுத்து, உள்ளாட்சியை வலுப்படுத்தி, மக்களை அதிகாரப்படுத்தி மக்களாட்சியை உண்மையான பிரதிநிதித் துவ மக்களாட்சியாகவும், பங்கேற்பு மக்க ளாட்சியாகவும் மாற்றியமைக்கத் திட்ட மிட்டார். அதுதான் அடுத்த எதிர்காலம் என்று அழைக்கப்படும் புதிய தடத்துக்கு ஒரு நாட்டை அழைத்துச் செல்வது.தற்போது அந்த நிலையில்தான், '2047-ஐ நோக்கி' என்ற முன்னெடுப்பு கள். அதில் ஒன்றாக கிராமப்புற மேம் பாட்டில் பெரும் மாற்றங்களையும் அடிப்படை மாற்றங்களையும் கொண் டுவர 8,000 வட்டார வளர்ச்சி அலுவலர் களுக்கு ஆறு நாள்கள் பயிற்சியளிக்க மத்திய அரசு திட்டமிடுகிறது. வட்டார வளர்ச்சி அலுவலர்களின் பார்வை யில், உளவியல் திறனில் மாற்றத்தைக் கொண்டு வந்துவிட்டால் அந்த வட்டா ரத்தில் உள்ள அனைத்து கிராம ஊராட்சி களிலும் மாற்றங்களைக் கொண்டு வந்து விடலாம் என எண்ணி, அந்தப் பொறுப்பை லால் பகதூர் சாஸ்திரி பெயரில் இயங்கும் இந்திய ஆட்சிப் பணியாளர்களுக்கு பயிற் சியளிக்கும் நிறுவனமும், தேசிய ஊரக வளர்ச்சி, பஞ்சாயத்து ராஜ் நிறுவனமும் இணைந்து நடத்தப் பணிக்கப்பட்டுள்ளது. பயிற்சியில் கூற வேண்டிய கருத்துகள் பயிற்சி வல்லுநர்களைக் கொண்டுதொகுக் கப்பட்டுள்ளன. அவற்றைச் சரிபார்த்து எந்த முறைமையில் அந்தப் பயிற்சி அளிக்க வேண்டும் என்பதையும் முடிவு செய்து, அவற்றை சரிபார்க்க ஒரு சிறிய குழுவை உருவாக்கியுள்ளனர். அதில் நீண்டநாள் ஊராட்சித் துறையில் மாநிலச் செயலர்க ளாக இருந்த சில ஐஏஎஸ் அதிகாரிகளை யும், பயிற்சி நிறுவனங்கள் நடத்தும் சில ஆட்சிப் பணியாளர்களையும் உறுப்பினர் களாக்கியிருந்தனர். அதில் என்னையும் உறுப்பினராக்கி செயல்படப் பணித்தனர்.

அந்தச் சிறிய குழுவை அழைத்து இரண்டு நாள் கருத்துப் பட்டறையை ஹைதராபாதில் உள்ள தேசிய ஊரக வளர்ச்சி, பஞ்சாயத்து ராஜ் நிறுவனத்தில் நடத்தினர். அது கருத்துப் பட்டறை என்றழைக்கப்படாமல் எழுத்துப் பட்டறை எனப் பெயரிட்டு அத்தனை கருத் துக் கோப்புகளையும் சரிபார்க்கக் கூறினர்.