'ஆபரேஷன் ப்ளூஸ்டார்' நடவடிக்கை ஒரு தவறு

ப.சிதம்பரம் கருத்தால் சர்ச்சை

- 

'பொற்கோயிலில் பதுங்கியிருந்த காலிஸ்தான் பயங்கரவாதிகளை வெளியேற்றும் நோக்கில் எடுக்கப்பட்ட 'ஆபரேஷன் ப்ளூஸ்டார்' நடவடிக்கை ஒரு தவறு; இதன் காரணமாக முன்னாள் பிரதமர் இந்திரா காந்தி தன் உயிரையே இழக்க நேரிட்டது' என்று காங்கிரஸ் மூத்த தலைவர் ப. சிதம்பரம் தெரிவித்துள்ள கருத்து சர்ச்சையை ஏற்படுத்தியுள்ளது.

பஞ்சாப் மாநிலம் அமிர்தசரஸ் நகரில் உள்ள பொற்கோயிலில் பதுங்கியிருந்த ஜர்னைல் சிங் பிந்தரன்வாலே மற்றும் காலிஸ்தான் பயங்கரவாதிகளை வெளியேற்றி அனைவரையும் கைது செய்வதற்காக கடந்த 1984-ஆம் ஆண்டு ஜூன் 1 முதல் 10-ஆம் தேதி வரை ஆபரேஷன் ப்ளூஸ்டார் நடவடிக்கையை ராணுவம் எடுத்தது. அதைத் தொடர்ந்து அதே ஆண்டின் பிற்பகுதியில் அப்போதைய பிரதமர் இந்திரா காந்தி சுட்டுக் கொல்லப்பட்டார்.

இந்நிலையில், இந்த விவகாரம் தொடர்பாக ஹிமாசல பிரதேச மாநிலம் கசாலி நகரில் சனிக்கிழமை நடைபெற்ற நிகழ்ச்சியில் காங்கிரஸ் மூத்த தலைவரும் முன்னாள் மத்திய அமைச்சருமான ப. சிதம்பரம் பேசியதாவது: