சென்னை-அரக்கோணம் மார்க்கத்தில் 599 பேர் உயிரிழப்பு

சென்னை-அரக்கோணம் மார்க்கத்தில் கடந்த ஒன்றரை ஆண்டில் ரயில் மோதி 599 பேர் உயிரிழந்தனர்.

- த. மணிமாறன்

ஆவடி, ஜூலை 27: இவற்றைத் தடுக்க, பயணிகளுக்கு விழிப்புணர்வு கூட்டங்களை நடத்த வேண்டும் என சமூக ஆர்வலர்கள் வலியுறுத்துகின்றனர்.

சென்னை சென்ட்ரல்-அரக்கோணம் ரயில் மார்க்கத்தில் சென்ட்ரல், பேசின்பிரிட்ஜ், வியாசர்பாடி, ஜீவா, பெரம்பூர், வில்லிவாக்கம், கொரட்டூர், பட்டரைவாக்கம், அம்பத்தூர், திருமுல்லைவாயல், ஆவடி, திருநின்றவூர், திருவள்ளூர், கடம்பத்தூர், திருவாலங்காடு, அரக்கோணம் மற்றும் திருத்தணி என 28 ரயில் நிலையங்கள் உள்ளன.

கேரளம், கர்நாடகம், ஆந்திரம் உள்ளிட்ட பல்வேறு வட மாநிலங்களுக்கு விரைவு, சரக்கு மற்றும் உள்ளூர் மின்சார ரயில்கள் என நாள்தோறும் 450-க்கும் மேற்பட்ட ரயில்கள் இயக்கப்பட்டு வருகின்றன.