ஆந்திரத்தில் கூடுதலாக குழந்தை பெற்றுக்கொள்ள விரைவில் வலுவான கொள்கை: முதல்வர் சந்திரபாபு நாயுடு

ஆந்திரத்தில் தம்பதிகள் கூடுதலாக குழந்தை பெற்றுக்கொள்ள ஊக்குவிக்கும் நோக்கில், மக்கள்தொகை வளர்ச்சிக்கு விரைவில் வலுவான கொள்கை அறிமுகம் செய்யப்படும் என்று மாநில முதல்வர் சந்திரபாபு நாயுடு தெரிவித்தார்.

- 

அமராவதி, ஜூலை 12:

உலக மக்கள்தொகை நாளையொட்டி, ஆந்திர மாநிலம் குண்டூர் மாவட்டத்தில் அமராவதி உச்சிமாநாடு வெள்ளிக்கிழமை நடைபெற்றது. இதில் முதல்வர் சந்திரபாபு நாயுடு பேசுகையில், பொருளாதார ரீதியாக மக்கள்தொகையை நாட்டின் மிகப் பெரிய சொத்தாக கருத வேண்டும். அதை சுமையாக கருதக் கூடாது.

தற்போது செலவினங்கள் அதிகரிப்பதால் கூடுதலாக குழந்தைகள் பெற்றுக்கொள்வதை தம்பதிகள் தவிர்க்கின்றனர். ஆனால் வருங்காலத்தில் மக்கள் தொகுதிகள் அதிகரிக்கக் கூடும். அப்போது மக்கள்தொகை சரிவு காரணமாக, அந்த அவையில் தென் மாநிலங்களின் பிரதிநிதித்துவம் குறையக் கூடும்.