பொன்முடிக்கு எதிரான வழக்கு: காவல் துறைக்கு உயர்நீதிமன்றம் எச்சரிக்கை

முன்னாள் அமைச்சர் க.பொன்முடிக்கு எதிரான வழக்குகளில் காவல் துறையினர் புலன் விசாரணை செய்யத் தயங்கினால், வழக்குகள் சிபிஐ விசாரணைக்கு உத்தரவிட நேரிடும் என சென்னை உயர்நீதிமன்றம் எச்சரித்தது.

- 

சென்னை, ஜூலை 4:

முன்னாள் அமைச்சர் பொன்முடி நிகழ்ச்சி ஒன்றில் பங்கேற்றுப் பேசும்போது பெண்கள் குறித்தும் சைவ மற்றும் வைணவ மதங்கள் குறித்தும் சர்ச்சைக்குரிய வகையில் கருத்து தெரிவித்திருந்தார். பொன்முடியின் பேச்சு வெறுப்பு பேச்சு வரம்புக்குள் வருவதால் அவருக்கு எதிராக தாமாக முன்வந்து வழக்கை விசாரணைக்கு எடுத்துக்கொள்ள வேண்டும் என சென்னை உயர்நீதிமன்ற நீதிபதி ஆனந்த் வெங்கடேஷ் பதிவுத் துறைக்கு உத்தரவிட்டிருந்தார்.