பறவைகள் சரணாலயம்

நாட்டில் உள்ள அனைத்து உயர் கல்வி நிறுவனங்களும் சுற்றுச்சூழல் தூய்மை, பாதுகாப்பு குறித்து மாணவர்களுக்கு விழிப்புணர்வை ஏற்படுத்தும் முயற்சியில் தொடர்ந்து ஈடுபட்டு வருகின்றன.

- -தாம்பரம் மனோபாரதி

நாட்டில் உள்ள அனைத்து உயர் கல்வி நிறுவனங்களும் சுற்றுச்சூழல் தூய்மை, பாதுகாப்பு குறித்து மாணவர்களுக்கு விழிப்புணர்வை ஏற்படுத்தும் முயற்சியில் தொடர்ந்து ஈடுபட்டு வருகின்றன. பசுமையான, அமைதியான, தூய்மையான சூழல் மாணவர்களின் கல்வி கற்கும் திறனை மேம்படுத்துகிறது. சுற்றுச்சூழலை மட்டுமல்லாமல், உலகளாவிய அளவில் தூய்மையான சுற்றுச்சூழலைப் பாதுகாப்பது குறித்து நாம் கவலையும் அக்கறையும் கொள்ள வேண்டிய கட்டாயத்தில் இருப்பதை இன்றைய மாணவர்கள் உணரத் தொடங்கி இருப்பது பாராட்டுக்குரியது.

‘வளர்ச்சி, முன்னேற்றம்’ எனும் பேராசையால், பல நாடுகள் இயற்கை வளங்களையும் தொடர்ந்து பாழ்படுத்தி வருகின்றன. இதோடு, இயற்கை அளித்திருக்கும் காற்று, தண்ணீர், சுற்றுச்சூழலை மாசு அடைய வைத்து பேரழிவையும் அவை ஏற்படுத்தி வருகின்றன.