ருதுராஜ் சதம்: இலங்கையை வென்றது இந்தியா

‘ஏ’ அணிகள் முத்தரப்பு ஒருநாள் தொடர்

- 

இலங்கை 'ஏ' அணிக்கு எதிரான முதல் ஒருநாள் ஆட்டத்தில், இந்திய 'ஏ' அணி 8 ரன்கள் வித்தியாசத்தில் செவ்வாய்க்கிழமை வெற்றி பெற்றது.

முதலில் இந்தியா 50 ஓவர்களில் 6 விக்கெட்டுகள் இழப்புக்கு 277 ரன்கள் சேர்க்க, இலங்கை 48.5 ஓவர்களில் 269 ரன்களுக்கு 10 விக்கெட்டுகளையும் இழந்தது.

இந்திய தரப்பில் ருதுராஜ் கெய்க்வாட் சதம் விளாசி அசத்த, கேப்டன் திலக் வர்மாவும் அரை சதம் கடந்தார். பௌலிங்கில் அர்ஷத் கான், அனுகுல் ராய் உள்ளிட்ட பலரும் அசத்தினர். இலங்கை வெற்றிக்கு 17 பந்துகளில், 16 ரன்களே தேவையிருக்க, கடைசி 4 விக்கெட்டுகளை 10 பந்துகளில் அடுத்தடுத்து இழந்து தோல்வி கண்டது.

இந்தியா, இலங்கை, ஆப்கானிஸ்தானின் 'ஏ' அணிகள் பங்கேற்கும் முத்தரப்பு ஒருநாள் தொடர் இலங்கையில் செவ்வாய்க்கிழமை தொடங்கியது. முதல் ஆட்டத்தில் இந்தியா - இலங்கை அணிகள் மோதின.