உதகையில் பத்து ஆண்டுகளாக நிலுவையில் உள்ள கேபிள் கார் திட்டம்

நீலகிரி மாவட்டம், குன்னூர் முதல் மேட்டுப்பாளையம் வரை கேபிள் கார் அமைக்கும் திட்டம் 10 ஆண்டுகளுக்கும் மேலாக நிலுவையில் உள்ளது.

- ஜான்சன் சி.குமார்

உதகை, ஆக.17:

இந்த கேபிள் கார் அமைத்தால், தற்போது பயணிக்கும் 30 கிலோ மீட்டர் தொலைவு 6.5 கிலோ மீட்டர் தொலைவாக குறைவதுடன், 1.5 மணி நேரம் மலைப் பாதையில் பயணிப்பதற்கு பதிலாக 10 நிமிஷங்களில் குன்னூரில் இருந்து மேட்டுப்பாளையத்தை சென்றடைய முடியும்.

இதன் காரணமாக அவ்வப்போது நீலகிரியில் ஏற்படும் போக்குவரத்து நெரிசல் குறைவதுடன், சுற்றுலாத் துறையும் வளர்ச்சி அடையும் என்று பொறியாளர்கள் கூட்டமைப்பினர் தெரிவித்துள்ளனர்.

நீலகிரி மாவட்டத்துக்கு ஆண்டுதோறும் 30 லட்சத்துக்கும் அதிகமாக உள்நாடு மற்றும் வெளிநாடுகளில் இருந்து சுற்றுலாப் பயணிகள் வந்து செல்கின்றனர். இதன் மூலம் ஆண்டுக்கு சுமார் ரூ.3 ஆயிரம் கோடி வரை வர்த்தகம் நடைபெற்று வருகிறது.

சுற்றுலாவை நம்பியுள்ள இந்த மாவட்டத்தில் சுற்றுலா பொழுதுபோக்கு அம்சங்கள் குறைவாகவே உள்ளன. இது எதிர்கால சுற்றுலாத் தொழிலில் மிகப்பெரிய அளவிலான பாதிப்பை ஏற்படுத்தக் கூடும்.

இது குறித்து நீலகிரி மாவட்ட பொறியாளர் சங்க பொதுச் செயலாளர் விஜயகாந்த் முத்துகிருஷ்ணன், அமெரிக்க வாழ் இந்தியர் சாமிநாதன் ஆகியோர் கூறியதாவது: