வெளிநாடுகளின் இந்திய தூதரகங்களில் சுதந்திர தின கொண்டாட்டம் கோலாகலம்

இந்தியாவின் 79-ஆவது சுதந்திர தினம் வெள்ளிக்கிழமை நாடு முழுவதும் உற்சாகத்துடன் கொண்டாடப்பட்ட நிலையில், வெளிநாடுகளில் உள்ள இந்திய தூதரகங்களும் சுதந்திர தின விழாவை கோலாகலமாக கொண்டாடின.

- 

டெல் அவிவ்/சிங்கப்பூர்/பெய்ஜிங், ஆக. 15:

இஸ்ரேல், சிங்கப்பூர், சீனா, இலங்கை, ஜப்பான், மாலத்தீவு உள்ளிட்ட பல நாடுகளில் உள்ள இந்திய தூதரகங்களில் தேசிய கொடியேற்றப்பட்டு, பல்வேறு கலாசார நிகழ்ச்சிகள் நடைபெற்றன.

இஸ்ரேல்: இஸ்ரேலில் உள்ள இந்திய தூதரகத்தில் தூதர் ஜே.பி. சிங், தேசிய கொடியை ஏற்றி மரியாதை செலுத்தினார். சுமார் 350 இந்தியர்கள் பங்கேற்ற இந்த விழாவில் பேசிய அவர், இந்தியாவுக்கும் இஸ்ரேலுக்கும் இடையிலான உறவுகள் வலுப்பெற்று வருவதையும், இருநாடுகளும் நெருக்கடியான நேரங்களில் ஒருவருக்கொருவர் துணையாக நிற்பதாகவும், மக்களிடையேயும் தலைவர்களிடையேயும் பரஸ்பர மதிப்பு இருப்பதாகவும் அவர் குறிப்பிட்டார்.