ஈரோடு நாகமலை குன்று: தமிழகத்தின் நான்காவது பல்லுயிர் பாரம்பரியத் தலம்

ஈரோடு மாவட்டத்தில் உள்ள நாகமலை குன்றை தமிழகத்தின் 4-ஆவது பல்லுயிர் பாரம்பரியத் தலமாக தமிழக அரசு அறிவித்துள்ளது.

- 

இதுகுறித்து தமிழக சுற்றுச்சூழல், காலநிலை மாற்றம் மற்றும் வனத் துறை சார்பில் புதன்கிழமை வெளியிடப்பட்ட செய்திக்குறிப்பு:

தமிழகத்தில் உள்ள பல்லுயிர்களைப் பாதுகாக்க மாநில அரசு சார்பில் பல்வேறு முயற்சிகள் மேற்கொள்ளப்பட்டு வருகின்றன. அதன் காரணமாக, 20 ராம்சர் தலங்களுடன், நாட்டிலேயே அதிக எண்ணிக்கையிலான தலங்களைக் கொண்ட மாநிலமாகத் தமிழகம் உள்ளது. அதேபோல், அரிய, அச்சுறுத்தலுக்கு உள்ளான மற்றும் அழிந்துவரும் உயிரினங்களைப் பாதுகாக்கவும், அவற்றின் இனப்பெருக்கத்தை அதிகரிக்கவும் ஏற்ற பகுதிகள் பல்லுயிர் பாரம்பரியத் தலங்களாக அறிவிக்கப்பட்டு வருகின்றன.