ஆணவக் கொலைகளைத் தடுக்க சிறப்புச் சட்டம் தேவை

முதல்வரிடம் இடதுசாரிகள், விசிக மனு

- 

சென்னை, ஆக. 6: ஜாதி ஆணவக் கொலைகளைத் தடுக்க சிறப்புச் சட்டம் கொண்டுவர வேண்டும் என்று முதல்வர் மு.க.ஸ்டாலினிடம் இடதுசாரி கட்சிகளின் மாநிலச் செயலர்கள், விசிக தலைவர் ஆகியோர் நேரில் வலியுறுத்தினர்.

மார்க்சிஸ்ட் கம்யூனிஸ்ட் கட்சி மாநிலச் செயலர் பெ. சண்முகம், இந்திய கம்யூனிஸ்ட் கட்சி மாநிலச் செயலர் இரா. முத்தரசன், விடுதலைச் சிறுத்தைகள் கட்சியின் தலைவர் தொல்.திருமாவளவன் ஆகியோர் முதல்வரை, அவரது முகாம் அலுவலகத்தில் புதன்கிழமை நேரில் சந்தித்தனர்.

அப்போது, ஆணவக் கொலைகளைத் தடுக்க வகை செய்யும் சட்டபூர்வ நடவடிக்கைகளை எடுக்கக் கோரி மனு அளித்தனர். அதில் கூறப்பட்டுள்ளதாவது:

தமிழ்நாட்டில் ஜாதி, மத மறுப்பு திருமணத் தம்பதிகள் தொடர்ச்சியாக கொலைகளுக்கு உள்ளாவதும், ஜாதி ஆதிக்கத் தாக்குதலுக்கு உள்ளாவதும் தொடர்கின்றன.