ஸ்வியாடெக், அனிசிமோவா ஏமாற்றம்

கனடியன் ஓபன் டென்னிஸ் போட்டியில் முன்னணி வீராங்கனைகளான போலந்தின் இகா ஸ்வியாடெக், அமெரிக்காவின் அமாண்டா அனிசிமோவா ஆகியோர் காலிறுதிக்கு முந்தைய சுற்றில் திங்கள்கிழமை அதிர்ச்சித் தோல்வி கண்டனர்.

- 

மான்ட்ரியல், ஆக. 4:

மகளிர் ஒற்றையர் ரவுண்ட் ஆஃப் 16-இல், விம்பிள்டன் நடப்பு சாம்பியனும், 6 முறை கிராண்ட்ஸ்லாம் வென்றவருமான ஸ்வியாடெக் 6-7 (1/7), 3-6 என்ற நேர் செட்களில், போட்டித்தரவரிசையில் 16-ஆம் இடத்திலிருக்கும் டென்மார்க்கின் கிளாரா டௌசனால் வீழ்த்தப்பட்டார்.

கடந்த மாதம் விம்பிள்டன் போட்டியில் 4-ஆவது சுற்றில் ஸ்வியாடெக்கிடம் தோல்வி கண்ட டௌசன், இப்போட்டியின் 4-ஆவது சுற்றில் அவரை வீழ்த்தியது குறிப்பிடத்தக்கது. இருவரும் சந்தித்தது இது 3-ஆவது முறையாக இருக்க, டௌசன் தனது முதல் வெற்றியைப் பதிவு செய்திருக்கிறார்.