திமுக அரசுக்கு எதிராக திண்ணை பிரசாரம்

திமுக அரசுக்கு எதிராக திண்ணை பிரசாரத்தை அதிமுகவினர் தீவிரப்படுத்த வேண்டும் என்று கட்சியின் பொதுச் செயலர் எடப்பாடி கே.பழனிசாமி அறிவுறுத்தினார்.

- 

சென்னை, மார்ச் 9:

அதிமுகவில் அமைப்பு ரீதியாக உள்ள 82 மாவட்டங்களின் செயலர்கள், நிர்வாகிகளுடன் சென்னையில் உள்ள கட்சித் தலைமை அலுவலகத்திலிருந்து எடப்பாடி பழனிசாமி ஞாயிற்றுக்கிழமை காணொலி மூலம் ஆலோசனை நடத்தினார்.

அப்போது அவர் பேசியதாக வெளியான தகவல்கள்: அதிமுகவினர் அனைவரும் ஒருங்கிணைந்து, ஒற்றுமையுடன் செயல்பட வேண்டும். கூட்டணி பற்றி யாரும் கவலைப்படத் தேவையில்லை. அதை நாங்கள் பார்த்துக் கொள்வோம். வரும் சட்டப்பேரவைத் தேர்தலில் வலுவான கூட்டணியை அமைத்து அதிமுக வெற்றி பெறும்.