தில்லியில் அமித் ஷாவுடன் டி.டி.வி. தினகரன் சந்திப்பு

தில்லியில் மத்திய உள்துறை அமைச்சர் அமித் ஷாவை அமமுக பொதுச் செயலர் டி.டி.வி. தினகரன் வியாழக்கிழமை இரவு சந்தித்தார்.

- நமது சிறப்பு நிருபர்

தேசிய ஜனநாயக கூட்டணியில் இருந்து விலகி விட்டதாக சில மாதங்களுக்கு முன்னர் தினகரன் அறிவித்திருந்தார். இந்நிலையில், தில்லியில் மத்திய அமைச்சர் அமித் ஷாவை அதிமுக பொதுச் செயலர் எடப்பாடி பழனிசாமி புதன்கிழமை இரவு சந்தித்து தேர்தல் கூட்டணி மற்றும் வியூகம் தொடர்பாக விவாதித்தார். அமித் ஷாவை எடப்பாடி பழனிசாமி சந்தித்த மறுதினமே டி.டி.வி. தினகரனும் சந்தித்துப் பேசியிருப்பது அரசியல் முக்கியத்துவம் வாய்ந்ததாகக் கருதப்படுகிறது.